"Arsenal” futbolçularının Bakı Olimpiya Stadionunda "Qarabağ” ilə oyundan öncə məşq zamanı əlləri ilə yedizdirdikləri pişik satışa çıxarılıb.

7News.Az-ın xəbərinə görə, müvafiq elan Tap.Az saytında yerləşdirilib.

London klubunun futboçuları - türk əsilli Məsut Özil və boşnak əsilli Sead Kolaşinatsinin foto çəkdirdiyi pişik 42 manat 50 qəpiyə satılır.

"”Arsenal” futbolçularının əlləri ilə verdiyi yeməyi yeyən pişik satılır. Futbol oynamağı bacarır. Pişik Ağdamdadır hazırda. Xanımın qucağında gəlib”, - deyə elanda bildirilir.

Xatırladaq ki, Bakı Olimpiya Stadionunda keçirilən qarşılaşma "Qarabağ”- "Arsenal”ın matçı qonaqların 3:0 hesablı qələbəsi ilə yekunlaşıb.

London təmsilçisinin heyətində Sokratis Papastatopulos, Emil Smit-Rouv və Matteo Guendouzi müvafiq olaraq 4, 53 və 80-ci dəqiqələrdə fərqləniblər.

 

7News.Az