RU
lombard
19 yaşlı gənc tanışını bıçaqladı: 8 il cəza
10:35
329

19 yaşlı gənc tanışını bıçaqladı: 8 il cəza

Bakı Apellyasiya Məhkəməsində Bakı ş. sakini Fuad Rəcəbzadənin (1996-cı il təv.) CM-nin 29,120.1 (qəsdən adam öldürməyə cəhd) və 228.4-cü ( qanunsuz olaraq soyuq silahə əldə etmə, satma və ya gəzdirmə) maddələri ilə təqsirləndirilməsinə dair cinayət işi üzrə məhkəmə prosesi başa çatıb.

7news.az xəbər verir ki, ötən il noyabrın 4-də Fuad Rəcəbzadə aralarında yaranan mbahisə nəticəsində tanışı Rafiq Məmmədova çoxsaylı bıçaq xəsarətləri yetirib və hadisə yerindən qaçıb. Nəsimi RPİ 21-ci polis bölməsi əməkdaşlarının həyata keçirdiyi əməliyyat-axtarış tədbirləri nəticəsində səhərisi gün Rəcəbzadə tutulub və istintaqa təqdim edilib.

Məhkəmə prosesində dövlət ittihamçısı çıxış edərək təqsirləndirilən şəxsin 11 il 6 ay müddətinə azadlıqdan məhrum edilməsini istəyib.

Prosesdə son söz hüququndan istifadə edən Fuad Rəcəbzadə hakimlərdən cavanlığının nəzərə alınmasını xahiış edib: “Hadisəni törətdiyim üçün peşmanam, amma sonrakı peşmançılıq bir fayda verməz. Bir cinayətdir törətmişəm, buraxın, evimə gedim”.

Bakı Ağır Cinayətlər Məhkəməsinin hökmü ilə F.Rəcəbzadə 10 il 8 ay müddətinə azadlıqdan məhrumetmə cəzasına məhkum olunub.

Hökmdən təqsirləndirən şəxs apellyasiya şikayəti verərək cəzasının yüngülləşdirməsini istəyib.

Bakı Apellyasiya Məhkəməsi işi araşdıraraq, təqsirləndirilən şəxsin şikayətini təmin edib və qərara görə F.Rəcəbzadənin cəzası 8 ilə endirilib.

BÖLMƏNİN DİGƏR XƏBƏRLƏRİ