RU
lombard
Bakıda anasını öldürən oğlan 17 il cəza aldı
12:07
630

Bakıda anasını öldürən oğlan 17 il cəza aldı

Bakı Ağır Cinayətlər Məhkəməsində Bakı ş. sakini Səyavuş Zöhrabovun (1994-cü il təv.) CM-nin 120.2.4-cü (xüsusi amansızlıqla qəsdən adam öldürmə) maddəsi ilə təqsirləndirilməsinə dair cinayət işi üzrə məhkəmə prosesi yekunlaşıb.

7news.az xəbər verir ki, bu il iyulun 6-da Nizami rayonunun Mehdi Abbasov küçəsi ev 33-də yaşayan Səyavuş Zöhrabov qısqanclıq zəminində anası Tahirə Zöhrabovanı (1970-ci il təv.) bıçaqlayaraq qətlə yetirib. Daxil olan məlumat əsasında hadisə yerinə ekspertlərin iştirakı ilə istintaq-əməliyyat qrupu baxış keçirib və müvafiq maddi sübutları aşkar edib. Cinayəti törədən şəxs Nizami RPİ-nin əməkdaşları tərəfindən saxlanılıb və istintaqa təqsim edilib.

İş üzrə dindirilən şəxs, cinayətə əl atmasını ana qeyrəti çəkməsi ilə əsaslandırıb. Belə ki, Səyavuş anasının mobil telefonuna naməlum şəxsdən SMS gəldiyini görüb və bundan qəzəblənib. Məsələni aydınlaşdırmadan, hiddətlənən cavan oğlan məişət-təsərrüfat təyinatlı bıçaqla Tahirə Zöhrabovaya xəsarətlər yetirərək, onu qəsdən öldürüb. Verilən məlumata görə, mərhuma təxminən 10 bıçaq zərbəsi vurulub. İstintaqın gedişatına məlum olub ki, Tahirə Zöhrabova bir müddət əvvəl ərindən boşanıb, üç uşaqdan ikisi atası, Səyavuş isə anası ilə yaşayıb.

Məhkəmə prosesində ifadə verən S.Zöhrabov ittiham üzrə özünü təqsirli hesab edib.

Məhkəmənin hökmü ilə təqsirləndirilən şəxs 17 il 6 ay müddətinə azadlıqdan məhrumetmə cəzasına məhkum olunub.

BÖLMƏNİN DİGƏR XƏBƏRLƏRİ