Formula 1 yarışları Naxçıvanda keçirilsin — Yeni TƏKLİF

Formula 1 yarışları Naxçıvanda keçirilsin — Yeni TƏKLİF

Bütöv Azərbaycan Xalq Cəbhəsi Partiyası Formula 1 yarışlarının Naxçıvanda keçirilməsi təşəbbüsü ilə çıxış edib.


Partiyanın İdarə Heyətinin iclasında Bakıda keçirilən "Formula 1” yarışları və bu yarışların ölkəmiz üçün əhəmiyyətinə toxunulub. 


Qeyd olunub ki, "Formula 1” dünyanın əksər ölkələrində öz populyarlığı ilə seçilir və bu yarışlar Azərbaycanın tanıdılması, eləcədə ölkəmizin turuzm imkanlarının genişləndirilməsi baxımından mühüm əhəmiyyət kəsb edir.


İclasda eyni zamanda bildirilib ki, belə yarışların əhalinin sıx yaşadığı ərazilərdə, böyük meqapolislərin mərkəzi hissəsində keçirilməsi əhali üçün müəyyən problemlərin yaranmasına yol açır. 


Bu səbəbdən BAXCP İdarə Heyəti "Formula 1” yarışlarının növbəti illərdə Naxçıvanda keçirilməsini məqsədəuyğun hesab edir: 


"Yarışları Naxçıvanda, daha sonra isə Gəncədə keçirmək olar. Bu eyni zamanda ölkəmizin digər bölgələrinin də tanıdılmasına və həmin bölgələrə turistlərin cəlb edilməsinə zəmin yarada bilər”./Yeni Sabah

 

7News.Az

Xəbər lenti