RU
lombard
İŞİD-n tərkibində döyüşənlərin apellyasiya şikayətləri təmin olunamyıb
12:16
326

İŞİD-n tərkibində döyüşənlərin apellyasiya şikayətləri təmin olunamyıb

Bakı Apellyasiya Məhkəməsində Ruslan Mustafayev, Tariyel Mustafayev, Namiq Məmmədov, Elvin Əliyev, Tural Həsənov və Fərid Muradovun CM-nin 228.1 (qanunsuz olaraq odlu silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma və ya gəzdirmə), 279.1 (Azərbaycan Respublikasının qanunvericiliyi ilə nəzərdə tutulmayan silahlı birləşmələr və ya qruplar yaratma, onları silahla, döyüş sursatı ilə, partlayıcı maddələrlə təchiz etmə) və 28,214.2.1-ci (terrorçuluqa hazırlıq qabaqcadan əlbir olan bir qrup şəxs tərəfindən törədildikdə) maddəlləri ilə təqsirləndirilmələrinə dair cinayət işi üzrə məhkəmə prosesi yekunlaşıb.

7news.az xəbər verir ki, MTN-in İctimai Əlaqələr Mərkəzinin ötən il sentyabrın 23-də yaydığı məlumatda bildirilib ki, Azərbaycan Respublikasının qanunvericiliyi ilə nəzərdə tutulmayan silahlı birləşmələr və ya qruplar yaratma, eləcə də onların yaradılmasında və fəaliyyətində iştirak etmə, onları silahla, döyüş sursatı ilə, partlayıcı maddələrlə, hərbi texnika ilə, yaxud əsgəri ləvazimatla təchiz etmə, habelə, tərbiyə etmək vəzifəsini daşıyan şəxs kimi yetkinlik yaşına çatmayan şəxsi ağır cinayətin törədilməsinə cəlb etmə və başqa hüquqazidd əməllərinin törədilməsinə görə ümumilikdə 26 nəfər Azərbaycan vətəndaşı şəxs qismində saxlanılıb. Tutulanar arasında adları çəkilən şəxslər də olub.

İttiham aktına əsasən, 2013-2014-ci illərdə təqsirləndirilən şəxslər Suriya Ərəb Respublikasının ərazisində İŞİD terror xəvaric və digər silahlı birləşmələrin tərkibində döyüşməkdə iştirak ediblər.

Bakı Ağır Cinayətlər Məhkəməsinin hökmü ilə Ruslan Mustafayev 14 il, qalan 5 nəfərin hər biri isə 13 il 6 ay müddətinə azadlıqdan məhrumetmə cəzalarına məhkum olunublar.

Hökmdən təqsirləndirilən şəxslər apellyasiya şikayətləri veriblər.

Bakı Apellyasiya Məhkəməsi işi araşdıraraq şikayətləri təmin etməyib və birinci instansiya məhkəməsinin hökmünü qüvvəsində saxlayıb.

BÖLMƏNİN DİGƏR XƏBƏRLƏRİ