Binəqədi rayonunda “Onların arzuları üçün birləşək” adlı sosial aksiya keçirildi

Binəqədi rayonunda “Onların arzuları üçün birləşək” adlı sosial aksiya keçirildi

28 iyul tarixində Binəqədi rayon İcra Hakimiyyətinin dəstəyi, Binəqədi bələdiyyəsinin və Binəqədi rayonunda yerləşən “İdrak” liseyinin təşkilatçılığı  ilə “1 avqust - Azərbaycan əlifbası və Azərbaycan dili” günü münasibətilə “Onların arzuları üçün birləşək” adlı sosial aksiya keçirilmişdir.

Keçirilən sosial aksiyada Binəqədi rayonunda yerləşən 272 saylı körpələr-evi uşaq bağçasının balaca fidanları iştirak etmişdirlər. Onlar üçün maraqlı bir gün təşkil edilmiş və müxtəlif personajların geyimlərini əks etdirən balaca fidanlar Binqədi rayon ərazisinə tura çıxmışlar. Balaca fidanlar Azadlıq prospekti və Heydər Əliyev adına istirahət parkını  gəzərək müxtəlif personajları nümayiş etdirmiş, ətrafda olan insanlarda xoş əhval-ruhiyyə yaratmışlar. Gəzintinin sonunda balaca fidanlar  Heydər Əliyev adına istirahət parkında nahar etmişlər.  

Məlumat üçün bildirək ki, “Onların arzuları üçün birləşək” adlı sosial aksiya davamlı olacaqdır və aksiyanın əsas məqsədi məktəbəqədər müəssisələrdə təhsil alan aztəminatlı ailələrin uşaqları daxil olmaqla ümumillikdə uşaqlar üçün önəmli günlərdə onların arzu və istəklərini həyata keçirməkdir. 

7News.Az

Xəbər lenti