Milli Məclisin deputatları ATƏT PA-nın İpək Yoluna Dəstək Qrupunun konfransında iştirak edəcək

Milli Məclisin deputatları ATƏT PA-nın İpək Yoluna Dəstək Qrupunun konfransında iştirak edəcək

Milli Məclisin deputatları - ATƏT Parlament Assambleyasının vitse-prezidenti, ATƏT PA-nın İpək Yoluna Dəstək Qrupunun sədri Azay Quliyev və ölkəmizin ATƏT PA-dakı nümayəndə heyətinin üzvü Tahir Mirkişili sentyabrın 5-də İsveçrəyə səfər edəcək.

Milli Məclisin mətbuat xidmətindən 7News.Az-a verilən məlumata görə, deputatlar ATƏT  PA-nın İpək Yoluna Dəstək Qrupunun Andermat şəhərində keçiriləcək "Bir kəmər, bir yol təşəbbüsü: davamlı inkişaf məqsədlərinin aparıcı qüvvəsi kimi” adlı beynəlxalq konfransına qatılacaq.

Tədbirdə Azay Quliyev "Qrupumuz ATƏT dəyərlərinin aparıcı qüvvəsi olaraq” mövzusunda giriş sözü ilə çıxış edəcək. Deputat Tahir Mirkişilinin "Davamlı maliyyələşdirmə və risklərin azaldılması” adlı məruzəsi dinləniləcək.

 

Konfransda "Uğura aparan yol – dayanıqlı infrastruktur”, "Yaxşı idarəetmə, şəffaflıq və korrupsiyaya qarşı mübarizə”, "Gələcəyin qurulması” mövzularında müzakirələr aparılacaq.

7News.Az

Xəbər lenti