“Bir şey etiraf edəcəm öz həyatım haqqında. Onunla da bütün şeirlər alt-üst olacaq”

“Bir şey etiraf edəcəm öz həyatım haqqında. Onunla da bütün şeirlər alt-üst olacaq”

Son zamanlar “instagram”da “Vine” çəkənlərin sayı demək olar ki artıb. Ancaq xüsusi insanlar var ki, məhz bu işə peşəkar yanaşaraq, böyük bir kütlənin rəğbətini qazanıb. Bu insanlardan biri də, son zamanlar yazdığı şeirləri ilə daha da diqqət mərkəzinə gələn Rəsul Abbasovdur.

Müsahibimizi daha yaxından tanımaq üçün, maraqlı suallar ünvanlamaqla, maraqlı cavablar da aldıq.

- Özünü necə tanıdardın?

Abbasov Rəsul Həmid oğlu

- Səni “Vine”lardan tanıyırıq, müəyyən vaxtdan sonra şeirlərə keçdin. Ümumiyyətlə bu cür çəkilişlərlə hədəfin nədir?

Yox başlayım demədim. Fikrim elə “Vine” idi. Sadəcə olaraq uşaqlarla oturmuşduq bir məclisdə. Şeir dedim və bir dostum bunu videoya çəkdi. Sonra mən həmin şeiri şəkil versiyasında – “caps” kimi paylaşdım. Dostum mənə dedi ki, bunun məndə videosu var. Göndərim paylaş, gör nə reaksiya verirlər. Paylaşdım və gördüm ki, izləyicilər yaxşı qarşıladılar və davamını istədilər. 2, 3, 4 və artıq 4-də dayandırmaq istədim. Gördüm ki, yox. Sağ olsunlar diqqət var və artıq 16-ya kimi gəlmişik.

- İnşallah davamlı olsun. Bəs bu “Vine” sevgin, ümumiyyətlə “Vine”na maraq hardan yarandı?

Hərbi xidmətdən təzə gəlmişdim. Elə parkda oturmuşduq uşaqlarla. Bir dənə “Vine” çəkdim və paylaşdım. Yəni həm səhifəmdə, həm də başqa səhifələrdə və yatdım. Səhər durdum ki, çox uşaq paylaşıb səhifələrdə. Ondan sonra dedim ki, qoy çəkim, birazda  çəkim. Elə belə-belə 1 ay çəkdim. Ondan sonrada gördüm alınır və başladım davam etməyə.

- “Vine”la (kiçik videorolik) insanlara özünü sevdirmək çətindir, yoxsa necə? Kütləni necə cəlb edrisən özünə?

“Vine” çəkəndə, yəni video paylaşanda fikirləşmirəm ki, mən bu “Vine”nı çəkdim, paylaşdım, partdatdım, dağıtdım yəni reytinq yığdım. Xeyr. Sadəcə paylaşıram ki, 5-6 nəfərin xoşuna gəlsin və oda böyük nəticə verir Şükür Allaha . Öz gözlədiyimdən də çox olur.

- Aydınır. Bəs yaxşı öz çəkdiyin “Vine”ları özün bəyənirsən?

Elə olub ki, özüm bəyənmişəm, paylaşmışam tutub, yəni yaxşı qarşılanıb. Elə olub ki, özüm bəyənməmişəm, amma izləyicilər bəyənib. Yəni o məni güldürməyib. Amma bu təbii bir şeydir. Mən bu işin içindəyəmsə, ola bilər ki, o mənə gülməli gəlməsin. Amma izləyicilər tərəfindən yaxşı reaksiya almışam.

- Öz həmkarlarından, yəni “Vine” çəkənlərdən kimlərə gülürsən?

Sırf “Vine”nına güldüyüm, Mənsur Şərif və Altun Mətləboğlu.

- Son zamanlar vine çəkənlər kifayət qədər artıb. Səncə bu kimdə alınmır? Vine çəkmək onluq deyil.

Ad çəkməyim. Çünki ad bir deyil, iki deyil. Sadəcə olaraq çəkə bilən çəksin, amma birdə görürsən adamın qarşısına elə “Vine”lar çıxır ki, instagramda, gözəl-göyçək uşaqdı. Bəlkə də başqa sahədə istedadı var, amma “Vine”da alınmır. Belə başqa cür həmin adamın qulluğundayıq (gülür). Amma “Vine”da alınmır.

- Vine çəkməklə məqsədin nədir?

Yaxşı sualdı. Vine çəkməklə... Təbii ki, öz istədiyim bir layihə, öz istədiyim bir kino.

- Necə bir kino?

Komedya janrı.

- Bu “Vine”larından sonra film, hansısa seriallara təkliflər var?

Olur. Reklam çarxları olub, seriallar olub. Yəni belə pis çıxmasın istəyirik ki, özümüz nəsə edək.

- Gəlir yerin tək bu “Vine”lardan olur, yoxsa necə?

Başqa sahədə çalışmıram. Gəlir yerim instagramdandır. Belə şəxsi biznes və ya iş yerim yoxdur.

- Bu gəlirlərin səni qane edir?

Hardasa 80% qane edir.

- “Vine”ları çəkdikdən sonra kimlərlə məsləhələşirsən?

Təbii ki, dostlarımla gün ərzində demək olar ki, bir yerdə oluruq. Yəni mənim ağlıma ideya gəlirsə, mən məsləhətləşirəm dostlarımla. Məsələn mən belə bir şey çəkmək istəyirəm. Yəni onlarında ən azından üzlərində “mimika” dəyişirsə və məsləhət görürlərsə təbii ki, çəkirəm. Olur, məsələn məsləhətləşməmişdə çəkmişəm. Amma bir yerdəyiksə təbii ki, məsləhətləşirəm. Ağıl-ağıldan üstün olur.

- Kütlə istədiyini çəkməyə çalışırsan yoxsa öz istədiyini?

Mənim köhnə “Vine”larıma baxanlar bilir ki, mən əvvəllər sırf çalışırdım mafia tipli "vine"lər çəkməyə. Yəni o da ki, heç kimin başına gəlməyənlər. Heç kimin başına gəlməyən bir şeylərdi, yalnız kinolarda görürük. Amma sonradan gördüm ki, yox izləyici daha çox öz başına gələn şeyləri daha çox istəyir və bizdə təbii ki, belə bir ideya qurduq və qura-qura da gedirik.

- Çox insan paylaşımlardakı şeirlərin sənə aid olduğuna şübhə ilə yanaşır.

Məni yaxından tanıyanlar çoxdan tanıyırlar. Onlar bilirlər ki, mən çoxdan şeir yazıram. Sadəcə olaraq heç bir yerdə demirəm. Belə arada uşaqlarla oturanda yazıram, deyirəm. Amma sırf instagram, facebook kütləsi niyə inanmır, çünki məni ancaq “Vine”da görüblər, komediya şəklində. Bir şeir paylaşan görməyiblər, bir dramatik formada görməyiblər. Ona görə də inanmaya bilərlər. Amma yenə deyirəm özüm yazıram, başqa bir insanın şeirini səsləndirməmişəm indiyənə kimi.

- Rəsul Abbasov bu şeirləri öz həyatından yazır, yoxsa necə?

O sualı mən hər kəsə cavab yaza bilməsəmdə gün ərzində 4-5 nəfərə yazıram “direct”ə gələn mesajlarda. Yəni yazırlar ki, öz həyatınızdan, yoxsa sadəcə şeir. Təbii ki, sırf mən öz həyatımı şeirdə yaza bilmərəm. Yaza bilərəm. Sadəcə istəmərəm yazım kimnənsə bölüşmək istəmərəm. Amma ona oxşar bir şeylərdir. Yəni fantaziyada ola bilər, ona oxşarda ola bilər. Tam açıb demirəm ki, bu mənim həyatımdı.

- Paylaşdığın şeirlər içərisində öz həyatına xas olanı varmı?

Paylaşımlarda....Yenə deyirəm paylaşdığım şeirlər 5 bənd olur. Yəni 1 dəqiqə ərzində  instagrama sığdırmaq üçün. Hər şeirin bir bəndi mənim həyatıma aid ola bilər. Belə bir açıqlamada verim ki, nə vaxtsa ya 20-ci şeirdəmi, ya 30-cu şeirdəmi instagram izləyicilərimizə, dostlarımıza şeirlə bir şey etiraf edəcəm öz həyatım haqqında. Onunla da bütün şeirlər alt-üst olacaq... O da olacaq yaxınlarda nə vaxtsa.

- Sizin Mənsur Şəriflə iş birliyiniz var idi. Meyxana tipli “Vine”lar çəkirdiniz. Bir müddət sonra saxladınız. İnsanlar isə çox sevirdi bunu. Davamı olacaqmı?

Meyxana da gedəcək. Sadəcə biz ara verdik ki, çox bezdirici olmasın. Düzdü qısa düşünmüşdük, amma çox fasilə oldu. İnşallah olacaq. Şeir yox, “instagram” bağlanana kimi şeir olacaq (gülür).

- İzləyicilərin 90 mindən çoxdur. Və hər biri səni sevir. Onlara nə yenilik bəxş edəcəksən? Fərqli nələrsə olacaqmı?

Yenilik instagramla bağlı deyil. Yəni izləyicilərin çoxu elə bilir ki, gün ərzində biz ancaq “Vine” çəkib qoyuruq instagrama, onunla da biz getdik öz kefimizə. Xeyr. Biz elə olur ki, 3 gün “Vine” paylaşmırıq. Deyirlər yəqin bu insanlar getdilər. İnstagram-dan uzaqlaşdılar, həvəsdən düşdülər. Başqa layihələrimiz var, başqa işlərimiz var. Vaxtını  bilməsəm də geci-tezi inşallah böyük partlayış gözlənilir.

- Həyatda ciddi birisən, yoxsa “Vine”larda göründüyü kimi?

Bir “Vine”da öz həyatımı əks etdirmişəm. O da Mənsurla birlikdə çəkdiyimiz. Çox adamın dilinə düşüb. “Get-gəl”, yəni elə bir “Vine” var idi.

- Onda belə çıxır ki, yola verməyi xoşlayırsan?

Yəni həvəssiz, gün ərzində çoxda pozitiv olmuram. Çünki o qədər işlər, problemlər var. Həyatımla bağlı olan “Vine” odur. Tanıyanlar bilir. Səmimi, sadə, güləriz, mehriban, şən.

- Sosial şəbəkədə kifayət qədər aktiv birisən. Sosial şəbəkədə tanış olduğun xanımla ailə həyatı qurarsanmı?

Mən təbii ki, pis baxmıram. Pis baxa da bilmərəm. Bəyəndiyim biri olar, həmin insanda instagram-da olsa, məndə də ona qarşı nəsə hiss varsa, istək varsa və ona qarşı istək böyüyərsə ailə həyatı quraram.

- İstəyərsənmi gələcək həyat yoldaşın da sənin kimi hansısa bir sahədə tanınmış biri olsun?

Sırf şou-biznes nümayəndəsi ilə ailə həyatı qurmaram.Çünki mən özüm demək olar ki, incəsənət aləmindəyəm. Adi bir misal çəkim ki, mən özüm gün ərzində evdə olmuram. Biz təbii ki, evə gedirik saat 2-də, 3-də 4-də. Mən istəmərəm ki, qarşı tərəf də elə olsun. Yəni o da bu sahədədirsə, deməli onun həyatı da elə olmalıdır. Məlum məsələdir ki, onun toyu var, konserti var...

- Son olaraq izləyicilərinə çatdırmaq istədiyin, “İnstagram”da cavab verə bilmədiyin, tək-tək hər kəsə fikrini çatdıra bilmədiklərini eşidək.


İzləyicilər də yaxşı bilirlər ki, hər 3-4 paylaşımdan bir əlavə olaraq fikir verəsniz yazıram ki, əziz dostlar, izləyicilər, gələn mesajları demirəm, gələn şərhlərin hamısını oxuyuram.  Məsələn 800-900, ən azı 500-nü vaxt olduqca oxuya bilirəm. Amma təbii ki, hamını işarələyib bir-bir cavab yazmaq olmur. Misal üçün elə adam var ki, deyir ki, bunu belə etsəydiniz yaxşı olardı. Mən onun da fikrinə hörmətlə yanaşıram və sabahsı gün, o səhvi düzəltməyə çalışıram. Yəni izləyicilərin dediklərini nəzərə alıram. Amma çox adam elə bilir ki, mən oxumuram yazılanları və sonra başqa-başqa mesajlar yazırlar ki, özünüzdən razısınız, dartırsınız özünüzü, cavab yazmırsınız. Yəni mən hər 3-4 paylaşımdan bir onu vurğulayıram ki, hamısını oxuyuram. Çox sağ olun dəstəyinizə görə. O ki, qaldı “direct”ə gələn mesajlara, gün ərzində ən azı 40-50 mesaj gəlir. Onlarıda normal olaraq biz cavab verə bilmərik. Amma bacardığımız qədər yazılan mesaja ən azı bir ay içərisində cavab veririk. Yəni o səhifə olsaydı, həmin səhifəni 3-4 nəfər işlədərdi. Cavab yazmaq olardı. Amma bu şəxsi profildi, tək mən işlədirəm onu. Öz əlavə işlərim var deyə hamıya cavab yaza bilmirəm . Pis-yaxşı, mənfi-müsbət yazılan bütün fikirlərə hörmətlə yanaşıram. Çünki ən azından o mənim izləyicimdirsə, onun dediyi bütün fikirlər mənim üçün xoşdur.

Söhbətləşdi: Ozal İBRAHİMLİ
Foto: Söhrab Əsədov















Xəbər lenti