Xatırladaq ki, 2018-ci ilin yanvar-noyabr ayları (11 ayda) ərzində Azərbaycanda 794 ədəd minik avtomobili istehsal edilmişdi. Beləliklə, Dekabrda istehsal 175 ədəd artıb. Noyabrda artım 184 ədəd təşkil etmişdi.

7News.Az Dövlət Statistika Komitəsinə istinadən xəbər verir ki, minik avtomobili istehsalı 2017-ci ilə nisbətən ötən il 32,4 dəfə artıb.

01.01.2019-cu il vəziyyətinə, bu il istehsal edilmiş 969 ədəd minik avtomobilinin 193 ədədi anbarlarda olub. 01.12.2018-ci il vəziyyətinə hazır məhsul ehtiyatı 179 ədəd təşkil etmişdi. Beləliklə, anbarda yığılan minik avtomobillərinin sayı 14 ədəd artıb.

Qeyd edək ki, yerli avtomobillərin əsas alıcıları dövlət qurumlarıdır.

Bu ilin Martında Neftçala Avtomobil Zavodu (Khazar) işə düşüb. Həmçinin Azərbaycanda Naxçıvan Avtomobil Zavodu da (NAZ-Lifan) fəaliyyət göstərir.  

 "Azərmaş” ASC-yə məxsus Neftçala Avtomobil Zavodunun illik istehsal gücü 10 min avtomobildir. Zavodda 2018-ci ildə 1500 ədəd avtomobil istehsal edilməsi nəzərdə tutulurdu. Ötən il Azərbaycanda 2 avtomobil zavodu tərəfindən cəmi 969 ədəd minik avtomobili istehsal edildiyi nəzərə alındıqda, Neftçala Avtomobil Zavodu proqnoza əməl edə bilməyib. 

 7News.Az