RU
lombard
Qadınları qarət edən şəxsin şikayəti təmin edilib
14:10
313

Qadınları qarət edən şəxsin şikayəti təmin edilib

Bakı Apellyasiya Məhkəməsində Sumqayıt ş. sakini Tahir Ağayevin CM-nin 180.2.2 (soyğunçuluq, təkrar törədildikdə) və 326.1-ci (rəsmi sənədləri tamah məqsədi və ya digər şəxsi niyyətlə oğurlama) maddəsi ilə təqsirləndirilməsinə dair cinayət işi üzrə məhkəmə prosesi başa çatıb.

7news.az xəbər verir ki, bu il yanvarın 30-da Sumqayıt ş.Pİ 3-cü polis bölməsinin əməkdaşları tərəfindən Tahir Ağayev şübhəli şəxs qismində tutularaq, istintaqa cəlb təqdim olunub.

İstintaqla müəyyən olunub ki, ötən il oktyabrın 19-da təqsirləndirilən şəxs Sumqayıt şəhərində vətəndaş Nabat Xalıqovaya zor tətbiq edərək, ona məxsus 100 manat pulunu qarət edib. Bundan əlavə, bu il yanvarın 7-də Nəsimi rayonu ərazisində Tahir Ağayev paytaxt sakini Ələviyyə Qurbanovaya zor tətbiq edərək içərisində 50 manat, 100 dollar, mobil telefon və şəxsi sənədləri olan çantasını ələ keçirib.

Məhkəmə prosesində Tahir Ağayev ittiham üzrə özünü qismən təqsirli hesab edərək, əməlindən peşman olmasını bildirib.

Bakı Ağır Cinayətlər Məhkəməsinin hökmü ilə təqsirləndirilən şəxs 6 il 9 ay müddətinə azadlıqdan məhrumetmə cəzasına məhkum olunub.

Hökmdən apellyaisya şikayəti verilib.

Bakı Apellyasiya Məhkəməsi işi araşdıraraq T.Ağayevin şikayətini təmin edib. Birinci instansiya məhkəməsinin hökmü dəyişdirilib və onun cəzası
4 il 6 ay müddətinə endirilib.

BÖLMƏNİN DİGƏR XƏBƏRLƏRİ