İtaliyanın Cilyo adası qeyri-adiliyi ilə seçilir. Bura koronavirusu olan turistlər tez-tez gəlsə də, yerli əhalidə yoluxma müşahidə olunmur.

Bu barədə araşdırma "MedRxiv" portalında yerləşdirilib.

Belə ki, viruslu turistlər sosial məsafə və digər tədbirlərə qətiyyən əməl etmədikləri halda insanların yoluxmaması alimlər tərəfindən iki cür izah olunur.

Birinci versiyaya əsasən, burada havanın tamamilə təmiz olması infeksiyanın yayılmasına mane olur. İkinci versiyaya görə isə, yerli sakinlər bənzər bir patogenə qarşı çarpaz immunitetə ​​sahibdirlər.

Mütəxəssislər qeyd edirlər ki, çarpaz reaktiv immunitet müxtəlif infeksiyalara müqavimət göstərmək üçün çox vacibdir.

7News.Az