Mədəniyyət və turizm naziri Əbülfəs Qarayev Küveyt Dövlətindən gələn nümayəndə heyətini qəbul edib

Mədəniyyət və turizm naziri Əbülfəs Qarayev Küveyt Dövlətindən gələn nümayəndə heyətini qəbul edib

16 noyabr 2016-cı il tarixində mədəniyyət və turizm naziri Əbülfəs Qarayev Küveyt Dövlətinin Sivil Aviasiya üzrə Direktorluğunun Baş katibi və Direktorluğun fəaliyyətdə olan Prezidenti Yousef Al-Fouzanın başçılıq etdiyi nümayəndə heyətini qəbul edib.

Görüşdə mədəniyyət və turizm naziri Əbülfəs Qarayev iki ölkənin mədəniyyət və turizm sahələrində birgə əməkdaşlıq layihələrindən söhbət açmışdır. Nazir bildirmişdir ki, ötən ilin noyabr ayından etibarən ölkə başçısının müvafiq taşırığına əsasən BƏƏ vətəndaşları, bu ilin fevral ayından etibarən isə digər Körfəz ölkələri üçün hava limanlarında sadələşdirilmiş qaydada viza sistemi tətbiq olunmağa başladıqdan sonra ölkəmizə qeyd olunan regiondan gələn turist sayında kifayət qədər artım baş vermişdir. Eyni zamanda qeyd etmişdir ki, artıq bir neçə ildir BƏƏ-nin Dubay şəhərində Azərbaycanın turizm nümayəndəliyi fəaliyyət göstərir və bu nümayəndəlik vasitəsilə İran Körfəzi ölkələrində Azərbaycanın turizm potensialı intensiv şəkildə təbliğ olunur.

Nazir həmçinin, məlumat vermişdir ki, 22 noyabr 2016-cı il tarixində Küveyt Dövlətində Mədəniyyət və Turizm Nazirliyinin təşkilatçılığı ilə Azərbaycanın iri turizm şirkətləri və mehmanxanalarının nümayəndələrinin təmsil olunduğu təqdimatın keçirilməsi və belə tədbirlər nəticəsində ikitərəfli turist mübadiləsinin artmasının əhəmiyyətini qeyd etmişdir. O, eyni zamanda İran Körfəzi ölkələrindən ölkəmizə gələn turistlərin sayının daha da artırılması üçün aviareyslərin sayının artırılması və inkişaf etdirilməsinin vacibliyini vurğuladı.

O cümlədən ölkəmizdə keçirilən bir sıra beynəlxalq tədbirlər haqqında məlumat verən nazir Əbülfəs Qarayev növbəti ildə təşkil olunacaq Ticarət Festivalı (Shopping festival), İslam Həmrəylik Oyunları, Formula-1 Qran Pri Yarışları barədə də qonaqları məlumatlandırmış və bu tədbirlərdə iştirak etməyə dəvət etmişdir.

Nümayəndə heyətinin başçısı Yousef Al-Fouza səmimi qəbula görə təşəkkürünü bildirmiş və ölkələrimiz arasında turist mübadiləsinin saynın 2016-cı ildə olduğu kimi növbəti ildə də artacağına ümidvar olduğunu bildirmişdir.





 

7News.Az

Xəbər lenti