7News.az Türkiyənin "Star” saytına istinadən xəbər verir ki, bu haqda Litvanın Milli Müdafiə Nazirliyi məlumat yayıb.

 

Məlumatda qeyd olunur ki, Rusiya 2016-cı ildə təlim məqsədilə gətirdiyi "İsgəndər” raket komplekslərini Kalininqradda yerləşdirib.

 

Rusiyanın Müdafiə Nazirliyi isə məsələ ilə bağlı açıqlama verərək  bildirib ki, "İsgəndər” raket komplekslərini Kalininqradda yerləşdirilməsi məhz ərazidə keçiriləcək hərbi təlimlərlə bağlıdır.

 

Qeyd edək ki, "İsgəndər” raket kompleksi Rusiya Federasiyasında istehsal olunan mobil, qısaməsafəli ballistik raket sistemidir. 2006-cı ildə istehsal olunmuş və 2007-ci ildə Rusiya Ordusunda silahlanmaya qəbul olunmuşdur.

 

"İsgəndər” raketi Rusiya hərbi sənayesinin ən son yeniliklərindən biridir. Bu raketlər 500 kilometr məsafədən hədəfə 100 faiz dəqiqliklə zərbə endirir və nüvə başlığı da daşıya bilir. "İsgəndər-M” kompleksləri NATO ölkələrinin sərəncamında olan ən mükəmməl "Patriot” və "Aegis” hava hücumundan müdafiə komplekslərinin müdafiəsini yara bilir. "İsgəndər” operativ-taktiki raketlərinin bir neçə modifikasiyası mövcuddur. Lakin onlardan ən müasiri "İsgəndər-M” raketləridir. 

 

"İsgəndər-M” raketlərinin ən mühüm özəlliyi ondadır ki, bu raketlər ballistik trayektoriya ilə hərəkət etmir. Start anından etibarən raket trayektoriyasını xaotik şəkildə dəyişir və ziqzaqvari hərəkət edir. Nəticədə ən müasir radar kompleksləri belə bu raketlərin trayektoriyasını dəqiq müəyyən edə bilmir. Raket hədəfə çatana qədər komanda mərkəzindən idarə olunur.