“Strateji obyektlərin özəlləşdiriməsinin tərəfdarı deyiləm” - Vahid Əhmədov

“Strateji obyektlərin özəlləşdiriməsinin tərəfdarı deyiləm” - Vahid Əhmədov
Əmlak Məsələləri Dövlət Komitəsi "Azərbaycan Respublikasında kommunal xidmətlərin (elektrik və istilik enerjisi, su və qaz) inkişafına dair Strateji Yol Xəritəsi”-nə uyğun olaraq, elektrik enerjisi sektorunun liberallaşdırılması tədbirləri çərçivəsində elektrik stansiyalarının özəlləşdirilməsi imkanları nəzərdən keçirir.
 
Hazırda ictimaiyyəti Azərbaycanda elektrik stansiyalarını özəlləşdirilməsi hansı formada həyata keçirilməsi maraqlandırır.
 
Bununla bağlı millət vəkili, iqtisadçı-ekspert Vahid Əhmədov 7NEWS.az-a açıqlamasında bildirib ki, bununla bağlı mətbuatda dərc olunan xəbəri oxuyub. Ümumiyyətlə, bunlar strateji obyektlərdir. Strateji obyektlər olduğu üçün əsasən bir çox ölkələrdə bunlar özəlləşdirilmir. Xatırladım ki, bir vaxtlar "Azərişıq”ı özəlləşdirdilər, sonra problem yarandı. Bu cür hallarda strateji obyektlərin özəlləşdirilməsi zamanı tələsmək lazım deyil. Ümumiyyətlə strateji obyektlərin özəlləşdirilməsinin tərəfdarı deyiləm. Buna müəyyən qədər vaxt lazımdır. Biz cəmi 27 ildir ki, müstəqillik əldə etmişik. Nə olub? Qaça-qaçdı? Bu çox ciddi məsələdir.
 
- Elektrik stansiyalarının özəlləşdirilməsi Azərbaycanın elektrik təsərrüfatına nələri verəcək?
 
Azərbaycan da elektrik stansiyalarını özəlləşdirilməsi ilə müəyyən qədər dövlət yükünü azaltmaq istəyir. Yəni büdcədən ayrılan vəsaiti azaltmaq, müəyyən avadanlıqların gətirilməsinə və s. Elektrik stansiyaların özəlləşdirilməsində məqsəd əlavə investisiyanı və özəl şirkətləri cəlb etməkdir. 
 
- Elektrik stansiyalarının özəlləşdirilməsi ucqar yaşayış massivlərinin elektrik enerjisinə olan tələbatının ödənilməsində hansı rolu oynayacaq? 
 
Azərbaycanda enerji ilə bağlı bir problem yoxdur. Bu gün Azərbaycana xaricə enerji satır. Özəlliklə də, cənab prezident İlham Əliyevin fəaliyyəti dövründə çoxsayda elektrik stansiyaları inşa olunub. Enerjinin təminatı ilə bağlı bölgələdə də problem yoxdur. 
 
7NEWS.az

Xəbər lenti