1998-ci ildə hərbi xidmətdən yayınaraq Rusiyaya qaçmış Azərbaycan vətəndaşı həbs edilib.

7News.az-ın Rusiya KİV-ə istinadən məlumatına görə, hadisə Çeropovets şəhərində baş verib.

Əslində azərbaycanlı Çeropovetsdə başqa əməlinə görə -  qəsdən başqasının əmlakına ziyan vurduğu üçün məhkəməyə çıxarılıb. Amma məhkəmə zamanı məlum olub ki, o, 18 ildir beynəlxalq axtarışdadır.

İlkin araşdırmadan sonra o da məlum olub ki, 2000-ci ildə o, hansısa yolla Azərbaycanın Rusiyadakı səfirliyindən başqa adamın adına pasport da əldə edib.

Hazırda onun bu və digər əməlləri də araşdırılır.