Türkiyənin Hakkari vilayətinin Şəmdinli rayonunda partlayış törədilib.

7News.Az Türkiyə KİV-inə istinadən məlumat verir ki, hadisə bu gün səhər saatlarında Şəmdinli-Yüksəkova avtomobil yolunda olub.

Zirehli hərbi avtomobilin keçidi əsnasında PKK terrorçularının əvvəlcədən yola yerləşdirdiyi əldəqayırma partlayıcı qurğu işə salınıb.

Nəticədə hərbi avtomobilə ciddi ziyan dəyib, 3 hərbçi yaralanıb. Yaralılar Şəmdinli Dövlət Xəstəxanasıına qaldırılıblar.

Bölgədə havadan dəstək verməklə əməliyyat başlayıb.

7News.Az