Türkiyə ordusunun Şırnakda PKK terror təşkilatına qarşı həyata keçirdiyi əməliyyatılar zamanı 2 hərbçi qətlə yetirilib, 4 əsgər və 2 polis əməkdaşı isə ağır xəsarətlər alıb.

7News.Az Türkiyə mediasına istinadən bildirir ki, yol kənarına yerləşdirilmiş partlayıcı qurğunun işə salınması nəticəsində baş vermiş hadisə zamanı ərazidən hərbi avtomobil karvanı keçib. PKK terrorçularının əsas hədəfi məhz əsgərlər və polislər olub. Türkiyə Baş Qərargahından verilən məlumata görə yaralı əsgərlər və polislərin vəziyyəti artıq normaldır və onların müalicəsinin yüksək səviyyədə davam etdirilməsi üçün yaralılar yaxın günlərdə paytaxt Ankaradakı xəstəxanalardan birinə gətiriləcəklər. Baş Qərargahdan o da bildirilib ki, antiterror əməliyatları zamanı 35 dən artıq pKK silahlıi məhv edilib.