Azərbaycan Mərkəzi Bankı (AMB) manatın oktyabrın 5-nə olan rəsmi məzənnəsini açıqlayıb.

AMB-dən 7News.Az-a verilən məlumata görə, ABŞ-ın milli valyutası olan dolların məzənnəsi oktyabrın 4-ü ilə müqayisədə 0,14% ucuzlaşaraq 1,6115 manat olub.

Avro da manata nisbətən bahalaşıb. Avrozonanın vahid valyutası 1,8071 manatdan 1,8077 manata qalxıb. Əsas ticarət tərəfdaşlarımızdan biri olan Rusiyanın milli valyutası rubl oktyabrın 4-ü ilə müqayisədə dəyişməyərək 0,0257 manat olub.

Türkiyə lirəsinin məzənnəsi isə 0,5336 manatdan 0,5270 manatadək ucuzlaşıb. Rəsmi məzənnəyə əsasən, 1 ingilis funt sterlinqi 2,0724 manatdan 2,0518 manata düşüb.