Jurnalist, Qarabağ uğrunda xalq hərəkatının fəal iştirakçısı Tahir Abbaslı uzun sürən xəstəlikdən sonra iyulun 18-də, 73 yaşında dünyasını dəyişib.

Bu barədə Mətbuat Şurasının Ahıl Jurnalistlər Məclisinin üzvü Tahir Aydınoğlu bildirib.

Mərhum T.Abbaslı BDU-nun Jurnalistika fakültəsini bitirib, AzTV-də Ədəbi-dram verilişləri redaksiyasının baş redaktoru, "Xoş gördük" səhər proqramının direktoru vəzifələrində çalışıb. Son iş yeri "Mədəniyyət" qəzetində idi, o, qəzetdə baş redaktor müavini vəzifələrində işləyirdi.