Rusiya Prezidenti Vladimir Putin və Ermənistan Baş naziri Nikol Paşinyan arasında telefon danışığı olub.
Bu barədə Kremlin Mətbuat xidməti məlumat yayıb.
Telefon danışığı Ermənistan tərəfinin təşəbbüsü ilə baş tutub.
Tərəflər Rusiya, Ermənistan və Azərbaycan liderlərinin razılaşmalarının həyata keçirilməsini, o cümlədən Ermənistan-Azərbaycan sərhədində sabitliyin və təhlükəsizliyin təmin edilməsi, regionda iqtisadi və nəqliyyat əlaqələrinin bərpası və Ermənistanla Azərbaycan arasında sülh müqaviləsinin hazırlanması üzrə addımları müzakirə ediblər.
Putin Paşinyanla, həmçinin Qarabağla bağlı bütün məsələlərin konstruktiv şəkildə, tərəflərin Rusiya sülhməramlıları ilə sıx təmasda həll edilməsinin zəruriliyini müzakirə edib.
