Kayseridə narkotik polisi tərəfindən son bir həftə ərzində aparılan işdə 45 nəfər saxlanılıb, çörəklərin arasından narkotik vasitə ələ keçirilib.

7News.Az Türkiyə mətbuatına istinadən xəbər verir ki, İl Polis İdarəsinin Narkotik Cinayətlərlə Mübarizə Şöbəsinin qrupları son bir həftə ərzində narkotik alverçilərinin tutulması istiqamətində iş aparıb.

Müxtəlif miqdarda narkotik vasitə, 4 dəqiq tərəzi və 4 tapança götürülərkən 45 nəfər saxlanılıb. Ədliyyəyə sövq edilən şəxslərdən 12-si məhkəmə tərəfindən həbs edilərək həbsxanaya göndərilib.

Digər tərəfdən, polis qrupları tərəfindən aparılan iş zamanı bir vasitədə olan çörəklər arasında narkotik maddə də ələ keçirilib.

 

 

7News.Az