Adanada bir qadın aldadıldığını düşünərək ərini izləyib və onun başqa bir qadınla görüşdüyünü görüb. 

7News.Az Türkiyə mətbuatına istinadən xəbər verir ki, hadisə Seyhan bölgəsinin Evlər məhəlləsində baş verib. 23 yaşlı Müzəyyən B. 25 yaşlı əri Abdullah T-dan şübhələnib və onu izləməyə başlayıb. Gənc qadın ərinin 28 yaşlı Gülşah B. ilə görüşdüyünü görüb. Həmin an qadın onların yanına gedib mübahisə etməyə başlayıb. Abdullah T. arvadının bağırdığını görüb və onu döyməyə başlayıb. Ətrafdakı insanlar qadının döyüldüyünü görüb polislərə xəbər verib. 

Müzəyyən T. polislərə "Ərim məni bu qadınla aldadıb. Mən onları birlikdə tutduğuma görə məni bıçaqla hədələdi” deyib.

Polis tərəfləri saxlayıb və bölməyə aparıb. Bölmənin qarşısında medianı görən Abdullah və onun sevgilisi Gülşah onlara qışqırmağa başlayıb. 

Müzəyyən media nümyəndələrinə "Ərim məni bu qadınla aldadır" deyərək bağırmağa başlayıb. 

Polis bölməsində ifadələri alan tərəflər sərbəst buraxılıb.