Amerikada 26 yaşlı hamilə qadın gecə yarısı dünyaya gətirdiyi qızını unitaza salaraq öldürməyə cəhd edib. 

İş yoldaşı 26 yaşlı Sarah Locknerin tez-tez ayaqyoluna getdiyindən şübhələnərək onu izləyib. Bu zaman qadının yeni doğulmuş körpəsini unitaza salaraq öldürməyə cəhd etdiyini görüb. Bu zaman o, rəhbərlərinə məlumat verib. 
Hadisə yerinə polis və təcili tibbi yardımın əməkdaşları cəlb olunub. Təcili tibbi yardımın həkimləri körpəni yenidən həyata qaytara biliblər. 

Həbs edilən qadın ifadəsində hamilə olduğunu bilmədiyini və anidən doğum etdiyinə görə qorxduğunu söyləyib: "Əslində məqsədim uşağı öldürmək olmayıb”. 

Qadının törətdiyi əmələ görə 4 il azadlıqdan məhrum ediləcəyi gözlənilir. /big