Diyarbəkirdə 24 yaşlı həyat yoldaşı Çiydən Palayı yataq otağında başından güllələyərək öldürən əri 26 yaşlı Doğan Pala 2 il sonra polisin keçirdiyi əməlityyat nəticəsində həbs edilib.

7News.Az Türkiyə mətbuatına istinadən xəbər verir ki, hadisə 26 avqust 2016-cı ildə Yenişəhər bölgəsində baş verib. Belə ki, Doğan Pala "ailə məclisinin” qərarı ilə 3 uşaq anası olan həyat yoldaşını yataq otağında öldürüb qaçıb. Uşaqların qışqırıq səsini eşidən qonşular Çiydəmi yataq otağında qanlar içində tapıb. Hadisə yerinə gələn təcili tibbi yardım işçiləri Çiydəmin hadisə yerində keçindiyini söyləyib. Polislər uşaqları qoruma altına alıb.

Aparılan araşdırmalardan sonra bəlli olub ki, Çiydəm evlənməzdən öncə başqasını sevib. Ancaq ailəsi Çiydəmi zorla əmisi oğlu Doğan Pala ilə evləndirib. Çiydəm toydan sonra da sevgilisi ilə münasibətlərini davam etdirib. Bunu eşidən ailə və Doğan Pala Çiydəmin öldürülməsini qərara alıb.