On səkkizinci əsrə aid İsa heykəli üzərində çalışan İspan bərpaçılar heykəlin bud hissəsində keşişlərin gizlətdiyi bir məktub tapıb.

Xareoqrafiya ilə yazılmış məktub 1777-ci ilə aiddir. Sənəd bərpa şirkəti "Da Vinçi Restauro”nun işçiləri tərəfindən ortaya çıxarılıb. Hazırda bu heykəl İspaniyanın şimalındakı Burgos əyalətindəki "Santa Aqueda” kilsəsində saxlanılır.
Yerli tarixçi Efren Arroya bu kəşf qarşısında həyəcanını gizlədə bilməyib. O, " bu inanılmazdır. Belə heykəllərin içində əllə yazılmış gizli sənədləri tapmaq bənzərsiz bir hisdir”deyə bildirib.

Sənəddə heykəli hazırlayan heykəltəraş ilə yanaşı kənd təsərrüfatı məsələləri, geniş yayılmış xəstəliklər, məşhur uşaq oyunları və dövrün məşhur buğa güləşçilərinin adı da çəkilib. Mütəxəssislərə görə, Joaquin Minquez adlı keşişin məqsədi bütün bu tövsiyyələr ilə gələcək nəsillər üçün kəşf ediləcək ən qədim zaman kapsullarından birini yaratmaq idi./metbuat