Afrika Çempionlar Liqasında faciə baş verib.

7News.Az Unikal.org-a istindən xəbər verir ki, faciə Anqolanın "Primeyru” komandası ilə Demokratik Konqo "Mazembe”si arasında keçirilən oyundan sonra yaşanıb. 0:0 hesabı ilə başa çatan qarşılaşmadan sonra azarkeşlər stadionu tərk etmək istəyərkən basabas yaranıb.

Bir qrup azarkeş çıxış qadağan olan qapıya tərəf yönəlib. Bağlı olduğu üçün qapının qarşısında xeli insan toplaşıb. Qapılar açıldıqda isə kütlə atlı polislərlə qarşılaşıb.

Atların hürkməsi isə faciəni qaçılmaz edib. 5 azarkeş atların ayaqları altında qalaraq ölüb. 7 nəfər isə müxtəlif bədən xəsarətləri alıb.