ABŞ prezidenti Donald Tramp rusiyalı həmkarı Vladimir Putinlə növbəti dəfə 2019-cu ildə görüşməyi planlaşdırır. 

7news.Az "Reuters”ə istinadla xəbər verir ki, bu barədə Ağ Evin milli təhlükəsizlik üzrə məsləhətçisi Con Bolton bildirib.

"Prezident inanır ki, yüksək səviyyədə ikitərəfli görüş Rusiyanın ABŞ-dakı prezident seçkilərinə müdaxiləsinə dair araşdırma başa çatdıqdan sonra, 2019-cu ildə baş tuta bilər”, - Bolton deyib

Qeyd edək ki, iyulun 19-da Donald Tramp Con Boltona Rusiya prezidentini Vaşinqtona dəvət etməyi tapşırıb.

İki ölkə liderlərinin tam formatda ilk görüşü iyulun 16-da Helsinkidə baş tutub. Prezidentlər arasında qapalı rejimdə söhbət 2 saat davam edib. 

Həm Putin, həm də Tramp danışıqlara yüksək qiymət veriblər.

7news.Az