"Taxtların oyunu” ("Game of Thrones”) teleserialı ən yaxşı dram serialı nominasiyasında "Emmi” mükafatına layiq görülüb.

7news.Az xarici KİV-ə istinadən xəbər verir ki, teleserialın rejissoru Migel Sapoçnik də mükafat alıb. Bununla da "Taxtların oyunu” indiyə qədər ümimilikdə 38 "Emmi” mükafatı qazanmaqla teleseriallar arasında yeni rekord müəyyənləşdirib.

Ən yaxşı komediya serialı nominasiyasında siyasi satira janrında olan "Vitse-prezident” qalib gəlib.

Məşhur teleserial "Şerlok: Biabırçı gəlin” ən yaxşı televiziya filmi mükafatına layiq görülüb.

Qeyd edək ki, "Emmi” mükafatı 1949-cu ildən təqdim edilir və "Oskar”ın televiziya ekvivalenti hesab edilir.