ABŞ-ın Meksika ilə sərhəddə valideynlərindən alınaraq bir yerdə saxlanılan 3 min uşaq məcburi DNT testindən keçirir.

7news.Az "Ensonhaber.com”a istinadən xəbər verir ki, bu addımın uşaqların yenidən valideynlərinə verilməsi zamanı onların qan qohumluğunu təsdiqləmək üçün atıldığı bildirilib.

Lakin bu, birmənalı qarşılanmayıb. Belə ki, mütəxəssislər analiz nəticələrinin başqa məqsədlər üçün istifadə ediləcəyindən narahatlıqlarını dilə gətiriblər.

Məlumata görə, 10 iyuldan etibarən 4 yaşa qədər, 26 iyuldan etibarən isə 5-17 yaş arası uşaqlar həmin analizdən keçiriləcək.