ABŞ Prezidenti Donald Tramp bildirib ki, koronavirus əleyhinə vaksinin pulsuz olacağını istisna etmir.

"Reuters” agentliyi xəbər verir ki, D.Tramp bu barədə brifinqdə jurnalistlərin suallarına cavab verərkən söyləyib.

"Biz, əslində, bunu araşdırırıq”, - ABŞ-ın 45-ci prezidenti vurğulayıb.

D.Tramp ABŞ-ın ilin sonuna və ya daha tez COVID-19 əleyhinə peyvənd hazırlayacağına əminliyini ifadə edib.

Qeyd edək ki, ABŞ koronavirus infeksiyasının ən çox aşkar edildiyi (1 484 285 nəfər) ölkələrin siyahısında birincidir.