Onun məhv edilməsi barədə dəfələrlə informasiya yayılıb.

Amerika xüsusi təyinatlıları İraq əyaləti Kərkükdə İŞİD-in başçılarından biri olan Əbu Ömər əş-Şişanini diri tutublar, EİN xəbər agentliyi məlumat yayıb.

Xüsusi təyinatlılar, həmçinin xüsusi əməliyyat nəticəsində İŞİD-in iki sahə komandirini tutub və yeddi döyüşçünü məhv ediblər.

Üç ekstremist İraqın şimal-şərqindəki Süleymaniyə şəhərinə çatdırılıb.

KİV-də dəfələrlə əş-Şişaninin məhv edilməsi barədə informasiya yayılıb ki, bu, hər dəfə də təkzib olunub.

Məsələn, 2014-cü ilin 13 noyabrında Çeçenistanın başçısı Ramzan Kadırov öz İnstagram səhifəsində terroristin öldürülməsi barədə məlumat vermişdi. Dörd gündən sonra isə Pankiss dərəsinin başçıları (əş-Şişani bu yerlərdə doğulub) bu informasiyanı təkzib etmişdilər./oxu

7news.az