Xırdalan şəhər 5 nömrəli tam orta məktəbdə vaksinasiya ilə bağlı yaranan sıxlıqla bağlı məktəb rəhbərliyi məsuliyyət daşımır. 

Bu barədə Oxu.Az-ın sorğusuna cavab olaraq Abşeron Rayon Təhsil Şöbəsindən məlumat verilib. 

Bildirilib ki, Xırdalan şəhərində əhalinin vaksinasiyası Xırdalan şəhər 5 nömrəli tam orta məktəbin idman zalında aparılır.

Prosesin təşkili və tənzimlənməsi isə Tibbi Ərazi Bölmələri İdarəetmə Birliyi (TƏBİB) tərəfindən həyata keçirilir.