7News.az xəbər verir ki, Abşeron rayon Xırdalan şəhər 3№-li tam orta məktəb-liseyi şagird sayına görə rayonun böyük məktəblərindən biridir. Məktəbdə texniki fənlər üzrə lisey siniflər fəaliyyət göstərir. Məktəb 1983-cü ilin 23 fevralında istifadəyə verilmişdir. Rayon rəhbərliyinin göstərişi ilə məktəb əsaslı təmir olunmuş və şagirdlərin istifadəsi üçün yararlı hala gətirilmişdir. Bina 1176 yerlik olsa da hal-hazırda 1608 şagird təhsil alır.
Məktəb-liseyin rəhbəri, gənc direktor Sevinc Əliyeva olduqca peşəkar və nümunəvi idarəçilik modeli qura bilib. Onun rəhbərliyi ilə məktəb-liseyin uğurları ildən-ilə artmaqda davam edir. 2012-ci ildə məktəb-litsey Respublika məktəbləri arasında "İlin məktəbi" adını almışdır. Eyni ildə məktəbin müəllimi Gülşən Hümbətova da "İlin ən yaxşı müəllimi" adını qazanmışdır.

Redaksiyamıza yazan valideynlər Məktəb-liseyin rəhbəri, gənc direktor Sevinc Əliyevanın həm də gözəl psixoloq olduğunu qeyd edirlər. Valideynlərdən Anar Əzimov və Vüqar Tağıyev Sevinc Əliyevanın aztəminatlı ailələrə xüsusi həssaslıqla yanaşdığını qeyd edirlər.