Amerikalı  Brayan Mayser  adını ginesin rekordlar kitabına yazdıra bilmək üçün sözün əsl mənasında odla oynayıb. Özünə od vuran adrenalin həvəskarı  yanar ox kimi havaya atılıb. Brayan  yana-yana havada  32 metrə yaxın məsafə qət edib. 

Kifayət qədər təhlükəli  olsa da,  ortaya dəhşətli mənzərə çıxarsa da, ilk dəfə deyil ki,  bir insan bu cür rekord vurmağa çalışır. Amerikalı   namizəd  adını tarixə yazdırmaq üçün  Bolqarıstanlı Vesta Queşkovanın uğurunu kölgədə qoymalı idi. Sözügedən şəxs yanaraq havada  23 metr uçmuşdu.

1999-cu ildən  bəri bu təhlükəli  sənətlə məşğul olan  Brayan təhlükəsizlik qaydalarına tam riayət edib. Xoşbəxtlkdən rekord cəhdi uğurla yekunlaşıb və paltarını bürüyən alov bu çılğın kaskadyora hər hansı ziyan vurmayıb. Onun  yanaraq gerçəkləşdirdiyi uçuşunu izləyənlər isə  həyəcanlı anlar yaşayıblar.

Xatırladaq ki, ilk dəfə   1896-cı ildə  başqa bir amerikalı-  Eylr adlı şəxs havada uçan məşələ çevrilmişdi.  Canlı Ox ləqəbi ilə tanınan Eylr  12 metrlik yaydan havaya atılaraq hədəfdən keçmişdi.

7News.Az