İngiltərənin Liverpul şəhərində 32 yaşlı Conatan Lüis yeni köçdüyü evin divarından əlində qorxunc məktub tutan parça kukla tapıb.

Belə ki, adi məktəb müəllimi çalışan Lüis evinin divarında dəlik aşkarlayıb. Divarın arxasındakı boşluqda isə parça kukla olub.

Kuklanın özü qorxunc görsənməsə də, qucağındakı təhdid dolu məktub insanları dəhşətə gətirib:

"Salam, oxucu, yaxud evin yeni sahibi. Məni azad etdiyin üçün minnətdaram. Adım Emilidir. Mənim sahiblərim bu evdə 1961-ci ildə yaşayıblar. Onlardan xoşum gəlmirdi, ona görə getməli oldular. Onlar daim mahnı oxuyub şənlənirdilər. Bu, çox bezdirici idi. Mən onları bıçaqlamaq qərarına gəldim. Belə ki, ümid edirəm, sənin də bıçaqların var və bərk yatırsan".

Conatanın tanışları məktubu gördükdə. evi satışa çıxarmağı məsləhəb biliblər, lakin Lüis bunu keçmiş ev yiyəsinin zarafatı kimi qəbul edib və qorxmayıb. Onun sözlərinə görə, məktub 1961-ci ildə yox, 4-5 il öncə, ev təmir edilən zaman yazılıb və kuklayla birgə divarın içinə qoyulub."Çox məzəli vəziyyətdir. Yəqin, mən də belə zarafat edərdim". - deyə Lüis etiraf edib./big

7News.Az