Bu gün Yerdə geomaqnit qasırğası müşahidə ediləcək.
7News.Az BAKU.WS-ə istinadən xəbər verir ki, bu barədə "Veçernaya Moskva" məlumat yayıb.
Bildirilir ki, yanvarın 3-dən səhər saat 9-dək zəif geomaqnit şəraiti gözlənilir. Bu müddət ərzində Yerin maqnit fonu iki baldan çox olmayacaq. Ancaq səhər saat 10-a yaxın günəş aktivliyi artmağa başlayacaq və günortaya qədər geomaqnit fon dörd-beş nöqtəyə yüksələ bilər.
Astrofiziklərin hesablamalarına görə, yanvarın 3-də maqnit qasırğasının baş vermə ehtimalı 25 faiz, güclü tufan isə cəmi beş faizdir. Məlumata görə, qasırğanın aktivlik indeksi narıncı zonada 6.0 səviyyəsində qalacaq və bu, orta aktivliyi göstərir.
