7NEWS.az xəbər verir ki, Almaniya Federal Statistika İdarəsi əcnəbi vətəndaşların vətəndaşlığa qəbulu ilə bağlı 2024-cü il məlumatlarını açıqlayıb. Ölkədə vətəndaşlığa qəbul edilənlərin sayı 2023-cü illə müqayisədə 91 860 nəfər artaraq 291 955 nəfərə çatıb. 2000-ci ildən bəri heç vaxt bu qədər çox vətəndaşlıq qəbulu olmamışdı. Ötən il Almaniyada vətəndaşlığa qəbul edilənlər arasında Suriyalılar 83 min 150 nəfərlə birinci olub.