Sığınacağın pəncərəsindən içəriyə “Molotov kokteyli” atıblar.

Almaniyanın şimali-qərbində naməlum şəxslər qaçqınlar üçün sığınacağı yandırıblar. Bu barədə Spiegel bildirib.

Hadisə cüməyə keçən gecə Hameln şəhərində baş verib.

Yanğınsöndürənlər hadisə yerinə cinayətkarların sığınacağın pəncərəsindən içəriyə “Molotov kokteyli” atdıqları barədə bildirilən zəngdən sonra gəliblər.  

Polislər hücumun əsas səbəbinin ksenofobiya olduğunu hesab edirlər. Hadisə zamanı sığınacaqda 30-a yaxın qaçqın olub.

Hal-hazırda polis yanğın hadisəsini araşdırır./oxu

7news.az