7NEWS.Az xəbər verir ki, bunu ABŞ-ın Suriya üzrə keçmiş xüsusi nümayəndəsi Ceyms Cefri CNN Türk telekanalına açıqlamsında deyib.
Amerikalı diplomat deyib ki, mənim və başqalarının illərdir dediyimiz kimi, bu dövrdə Türkiyə və ABŞ-ın xarici siyasətinin koordinasiyası böyük əhəmiyyət kəsb edir: "Türkiyə olmadan bölgədəki təhdidlərin heç birinə qarşı effektiv siyasət yürüdülə bilməz. Bu qədər bəsit”.
Diplomat əlavə edib ki, Ankaranın Suriya, Əfqanıstan, Kosovo və Ukrayna ilə bağlı siyasətinə diqqət yetirsək, o zaman Türkiyə və ABŞ-ın eyni tərəfdə olduğunu görərik.
Bununla belə sabiq diplomat qeyd edib ki, hər iki tərəfdən anlaşılmazlıq və yürüdülən pis diplomatiya nəticəsində münasibətlərdə problemlər mövcuddur və bunu həll etmək lazımdır. "Bunu ancaq Türkiyə Prezidenti Ərdoğan və ABŞ prezidenti Bayden səviyyəsində həll etmək olar: "Önəmli olan liderlər ikinci dərəcəli məsələləri kənara qoyub məsələni həll etməlidir”.
7NEWS.Az
