Son zamanlar ölkənin məhkəmə sistemində baş verən bəzi neqativ hallarla bağlı 7News.az saytının redaksiyasına ardı-arası kəsilmədən şikayət məktubları daxil olmaqdadır. Biz də öz növbəmizdə oxucu auditoriyasını nəzərə alaraq daxil olan məlumatlardan yalnız fakta əsaslananları müəyyən edib işıqlandırırıq. Növbəti yazımızda isə ədalət  məhkəməsinin  ədalətsiz  mühakiməsi haqqında müraciəti işıqlandırmaq qərarına gəldik. Müraciəti olduğu kimi təqdim edirik:

“Nizamı  rayon  məhkəməsinin  hakimi  Xəyal  Sarıyev  məndən  ölkədə fəaliyyət göstərən MMC-lərdən birinin  xeyrinə  6721,49  manat  pul  tutulması  barədə 16.06.2015-ci  il tarixdə 2(007)-2240/15  saylı  iş  üzrə  qətnamə  çıxarmışdır.  Hakim  həmin  məhkəmə  araşdirmalarında  mənim  iştirakımı  təmin  etməmişdir  və  yalnız  iddiaçı  tərəfin  tələbini  əsas  götürərək  onların  xeyrinə  qərar  qəbul  etmişdir.  Məhkəmənin  qətnaməsi    mənə  vaxtında   göndərilməmişdir   və  mən  Ədliyyə Nazirliyinin  qaynar  xəttinə  müraciət  etdikdən  sonra  23.10.2015-ci il tarixdə  mənə verilmişdir.Hakim  Xəyal  Sarıyev  mübahisənin nəticəsi  üçün  əhəmiyyətli  halları  tam  sona araşdırmadan,  mənim  özümü  müdafiə  hüququmu  təmin   etmədən  tələsik  və  qərəzli  qətnamə  çıxarmışdır  və  bununla  da  məni  həm  mənəvi ,  həm  də  maddi  cəhətdən  məhv  etmişdir.  Əgər  hakim, nüfuzlu MMC-nin  şəhərdə  hər  bir  sahəyə  təsir  imkanlarını  nəzərə  almadan, işə  ədalətli  və  qərəzsiz   baxsa  idi  və  ədalətli   qərar  qəbul  etsə  idi  mənim  cavabdehliyim   qat-qat  az  olardı  və  mən  artıq  yazışmalara  yol  verməzdim.  

Nizamı rayon  məhkəməsinin  hakimi  Xəyal  Sarıyevin  çıxardığı  qərardan  narazı  olduğumdam  və  qanunun  aliliyinə  inanaraq  Bakı  apellyasiya  məhkəməsinə  19.11.2015-ci il tarixdə   şikayət  etdim  və   borcun  məbləğinin  şişirdilmiş  olduğundan Nizami  rayon məhkəməsinin   sözü  gedən  qətnamənin  ləğv  edilməsini  və  əlavə  təqdim  edilmiş  sübutlar  əsasında  yeni qətnamə  qəbul  edilməsini  xahiş  etdim.   MPM-nin  tələbinə  əsasən  apellyasıya  məhkəməsinin  iclası  tıyin  ediləndə  azı 10  gün  əvvəl  tərəflərə  bildiriş  verilməlidir ki,  tərəflər  işin   materialları  ilə  tanış  ola  bilsin.  Apellyasiya  məhkəməsindən  mənə  bildiriş   çatdırılmamışdır.   24.12.2015-ci il  tarixdə  mənə  telefonla  zəng  edib  bildirdilər  ki,  ...  şikayətinizlə  əlaqədar  28.12.2015-ci  il tarixdə  saat 10:20-də  apellasiya  məhkəməsində  13 saylı  otaqda  olmalıyam.... (hakimim  adını  demədilər).

Məhkəmə  işlasında  nümayəndəm  iştirak  etdi  və  hakim  Azad  İmanovun  sədrlik  etdiyi  kollegiyadan   işdə  olan  materiallarla   tanış  olmaq  üçün   və  sənədlərlə  tanış  olduqdan  sonra  mənim  iştirakımla  araşdırma  aparılmasının  təmin  edilməsi  məqsədi  ilə  iclası  təxirə  salmağı   xahiş  etdi.  Lakin  hakim  Azad  İmanovun  nə  bu vəsadəti  qədul  etmədi,  nə  apellyasiya  şikayətinə  əlavə  etdiyimiz (02.05.2014-cü  il tarixdən  sonra   etdiyim  ödənişlər və  qaytardığım  mallar  haqqında  sənədlərin  surətləri)  sənədləri  araşdırmaq  istəmədi,  nə  də  məni    dinləmək  istəmədi. Beləliklə  Apellyasiya  məhkəməsinin  hakimi  Azad  İmanov  da,  Nizamı  rayon  məhkəməsinin  hakimi  Xəyal  Sarıyev  kimi  mübahisə  üzrə  tam  araşdırma  aparmadan,  ən  başlıcası  isə,  məni (nümayəndəmi) işin  materialları  ilə  tanış  olmağan   və  bir  cavabdeh   kimi  məni  məhkəmədə  özümün  müdafiəsi  üçün  dinlənməkdən  məhrum  etdi. Nəticədə, 28.12.2015-ci  il tarixdə  saat 10:20-də  baş  tutan   7  dəqiqəlik  məhkəmə  iclası (iş 2(103)-8744/15)  Nizamı   rayon  məhkəməsinin  qətnaməsinin  dəyişdirilmədən  qüvvədə  saxlanılması  oldu. Budurmu  ədalət   məhkəməsi ???

Əliyev  Xanlar  Vaqif  oğlu,   28.12.2015-ci il”

Qarşı tərəfin mövqeyini dərc etməyə hazırıq

7News.az