İstanbulda dəhşətli cinayət hadisəsi baş verib. 

7News.Az Türkiyə mətbuatına istinadən xəbər verir ki, Hüseyn İsenc günorta saatlarında həyat yoldaşını və qaynanasını güllələyib. O, saxlanılaraq polis bölməsinə gətirilib. Polis bölməsinin qarşısına gələn Hüseynin yaxınlarının "Halal olsun, dayı” deyib qışqırması hər kəsin təəccübünə səbəb olub. 

İddialara görə, Hüseyn İsenc fabrikdə işləyən həyat yoldaşı Ergül.İ və anası Ayşə Ö-nün qarşısını kəsib. Ər-arvadın mübahisəsinin sonu qanla bitib. O, yanında gətirdiyi tüfənglə həyat yoldaşını və qaynanasını güllələyərək qaçıb. Ətrafdakılar polisə və təcili tibbi yardıma xəbər veriblər. Ergül İ. və anası Ayşə Ö. xəstəxanaya qaldırılıb. Ayşə Ö-nün vəziyyətinin ağır olduğu bildirilir. 

Hüseyn İsenc polislər tərəfindən həbs edilib. Hadisə ilə bağlı araşdırmalar aparılır.