Məsələ ilə bağlı BNEWS.az-a açıqlama verən politoloq Arzu Nağıyev bildirib ki, Sərkisyan özü də başa düşür ki, bu məsələlərin heç biri beynəlxalq norma və qanunlara uyğun gəlmir: "Həmçinin o, anlayır ki, digər tərəflərin müdaxiləsi və ya razılığı olmadan bu planı həyata keçirilə bilməz. Faktiki olaraq, Türkiyə ilə sərhədlərin açılmaması da Dağlıq Qarabağ məsələsinin həll edilməməsi ilə bağlıdır. Hər bir millətin öz müqəddəratını həlletmə hüququ ilə bağlı qaldırılan məsələ də məlumdur ki, beynəlxalq konvensiyalara ziddir və ikinci bir dövlətin suverenliyinə edilən təhdidlə buna nail olmaq olmaz. Daha doğrusu, Azərbaycan ərazisində ikinci bir erməni dövləti yarana bilməz!”.