İyunun 11-də Kanadanın Halifax limanından yola düşən 54 yaşlı Sara Pakvud və 70 yaşlı Bretin cəsədləri tapılıb.

7NEWS.az xəbər verir ki, Atlantik okeanını qayıqla keçmək üçün yola çıxan cütlük xilasedici qayıqda ölü tapılıb. 54 yaşlı Sara Pakvud və 70 yaşlı Brett Klibberi sonuncu dəfə altı həftə əvvəl dinlənilib. İyunun 11-də Kanadanın Halifax limanından 'Theros' adlı külək və günəş enerjisi ilə işləyən qayıqla ayrılan cütlük təxminən 3 min 228 km uzaqlıqdakı Azor adalarına doğru yola düşüb. Cütlüyün cəsədləri həftələrdən sonra tapılıb. Kanada polisi bildirib ki, cütlük qayığı tərk edərək xilasedici qayığa miniblər, lakin qayığı tərk etmələrinin səbəbi hələ müəyyən edilməyib. Kanadanın sahil mühafizəsi və hərbi təyyarələri qayığın qalıqlarını aşkar edə bilməyib.

7NEWS.az