Avropa Parlamenti  növbəti qərəzli mövqeyini sərgilədi.Özü də yenə son vaxtlar sanki özünə düşmən gördüyü Azərbaycana qarşı .Qəbul edilən qətnamənin lehinə səs verənlər siyahısına baxanda, görmək çətin deyil ki, həmin rəsmilərdən bir neçəsi Azərbaycanda olarkən ölkəmizin sürətli inkişaf etdiyini vurğulamış və  bunu açıq şəkildə büruzə vermişlər.Bu faktın özü artıq qəbul edilən qətnamənin  obyektivliyini şübhə altına alır.Əslində, Avropa təşkilatlarının xüsusi sifarişlə Azərbaycana qarşı qəbul etdiyi qərəzli  qətnamələr zaman keçdikdən sonra öz hüquqi  qüvvəsini  itirib,  heç  bir əhəmiyyəti olmayan kağız parçasına çevrilir.Çünki, qəbul edilən qətnamələrdə həqiqətdən başqa hər şeyə rast gəlmək olar.

Bu  qətnamə Avropa ictimaiyyətinin deyil, bir qrup qərəzli siyasətçinin mövqeyini əks etdirir!

“Avropa demokratiyası”  bəzəkli söz terminin bir çox ölkələri viran qoymaq məqsədi ilə  istifadə edilməsi  siyasətçidən tutmuş, sadə insana qədər hər kəsə bəlli olan bir yanaşmadır.Demokratiyaya əsassız iddialarının həyata keçirilməsi vasitəsi kimi baxan Avropa rəsmiləri görürlər ki, ölkəmizdə əsassız ajiotajlar, çaxnaşmalar yaratmaq mümkün deyil.Məhz, buna görə müxtəlif üsullardan istifadə edərək,  ölkəmizi dünya ictimaiyyətinə mənfi  formada təqdim etmək istəyirlər.

Avropa Parlamentinin ciddi bir qurum olması artıq şübhə altındadır.Daimi mövqeyi olmayan, konkret şəxsdən və ya şəxslərdən məlumat alaraq mövqeyini formalaşdıran  Parlament prezidenti və üzvlərinin bir hissəsi  yeni sifarişlər alaraq, hərəkətə  keçiblər.Son dövrdəki fəaliyyətlərinin başlıca istiqamətlərindən olan Azərbaycana qarşı  qarayaxma kompaniyası artıq geniş vüsət almaqdadır.Ölkəmizin siyasi reallığı-xalqla iqtidar arasında olan birlik, iqtisadi güc,  siyasi sabitlik, tolerantlıq görünür, qərb dairələrini ciddi formada anti-azərbaycançı  mərkəzlərə çevirib.Avropa Parlamenti sadəcə olaraq, formal qərarlar qəbul etməklə gündəmə gəlir.Dünya əhəmiyyətli mötəbər tədbirlərin  Azərbaycanda keçirilməsi bizə onu deməyə əsas verir ki,  Azərbaycan etibarlı mövqeyini qorumaqdadır.Avropa parlamenti isə daha yaxşı olardı ki, Avropa insanını ciddi formada narahat edən  və hər gün daha da güclənən daxili  iğtişaşlar, polis zorakılığı, dini, irqi zəmində baş verən ayrı-seçkilik və bu kimi başqa məsələlərə diqqət ayırsın.Bəlkə, o zaman avropalı rəsmilər konkret iş görmüş olarlar.