“Bu gün Respublika Günü münasibətilə keçirilən rəsmi qəbulda prezident İlham Əliyev bəyan etdi ki, Dağlıq Qarabağ münaqişəsinin həlli ilə bağlı iyun ayında keçiriləcək görüşlərdə münaqişənin həlli ilə bağlı çox ciddi proseslərin reallaşması istisna deyil”.

Bu barədə rəsmi qəbulda iştirak edən millət vəkili Elman Nəsirov bildirib.

Deputatın sözlərinə görə, prezident çıxışında bildirib ki, Azərbaycan heç vaxt torpaqlarının işğal altında qalması ilə barışmayacaq: “Ölkə başçısı çıxışında vurğuladı ki, Azərbaycanın ərazi bütövlüyü danışıqlar prosesinin predmeti olmayıb və olmayacaq”.