Azərbaycanda yeni doğulmuş körpənin barmaqları tibb bacısının səhvinə görə kəsilib.

7News.Az xəbər verir ki, Zaur Baxşəliyevin aparıcılıq etdiyi "Bizimləsən" verilişinə müraciət edən ailə iddia edib.

Barmaqları kəsilən 3 aylıq Nuranın atası: "Qızım Nura doğulanda sağlam idi. Daha sonra müalicə üçün qızımı Gəncə şəhər Regional Perinatal Mərkəzə apardıq. Orada ona vazafiks bağladılar. Vazafiks 7 gün qızımın əlində bağlı qalıb. 7 gündən sonra qızımın əlində qaralmalar müşahidə etdik. Qızımın həkimi pediatr Zülfiyyə Yusifova Türkiyəyə getdi. Sonra yoxlatdıq ki, Zülfiyyə xəstəxanadan çıxıb. Bakıya gətirəndə həkimlər söylədi ki, onun barmaqları kəsilməlidir. Yoxsa qanqrena bütün qoluna yayıla bilər. Nəticədə 3 aylıq qızımı əlil etdilər".