Azərbaycanda ana 5 yaşlı oğlunu parkda qoyub qaçıb. 

Bu barədə BiG.AZ-a "Azərbaycan Uşaqları” İctimai Birliyinin sədri Kəmalə Ağazadə məlumat verib. 

O bildirib ki, Məhəmmədin 5 yaşı var:"Ana uşağını hər gün səhər parka buraxır. Axşam gəlib götürür. Uşaq "Səni axtarıram" verilişinin əməkdaşları tərəfindən tapılıb. Proqramın xətti ilə Xətai rayonun 37 saylı polis bölməsinin əməkdaşları uşağı "Azərbaycan Uşaqları” İctimai Birliyinin sığınacağına gətirib. Hal-hazırda uşaqla profilaktik iş görülüb. Uşaq çimizdirilib. Adının Məhəmməd olduğunu bilirik. Uşaq özü deyir ki, anam məni parka qoyub. Ümid edirəm ki, uşağın anası tapılacaq".