"Son vaxtlar Azərbaycanda ölkədə "patı”, "şüşə”, "metamfetamin” kimi süni narkotik istifadəçilərin sayı durmadan artır. Ən pisi odur ki, yeniyetmələr də bu şəbəkəyə cəlb olunur”.

Bu sözləri pediatr Vaqif Qarayev deyib.

Həkim hüquq-mühafizə orqanlarını təcili tədbir görməyə səsləyib:

"Patı”nın məktəblərdə istifadəsi başlanılsa, durumu təsəvvür edə bilirsiniz? Biz cəmiyyət olaraq balalarımızı qorumaq üçün ayıq-sayıq olmalıyıq, şübhə yaranarsa, dərhal müvafiq qurumları məlumatlandırmalıyıq”.

Vaqif Qarayev hesab edir ki, narkomana kriminal ünsür kimi yox, xəstə kimi yanaşılmalıdır:

"Onların doğmalarına dəstək olub bu bəladan xilas olunmasına çalışmalıyıq. Bütövlükdə, vəziyyət pisdir, uşaqlarımızı necə qoruyaq?”