"Oyuna yaxşı başladıq, qol şanslarımız oldu. Təzyiqi artırdıq. Ancaq ikinci hissədə bizə nə olduğunu bilmədim".

7news.az-ın məlumatın görə, bu sözləri Çexiya millisinin futbolçusu Patrik Şik DÇ-2018-in seçmə mərhələsində millimizlə oyundan (0:0) sonra ölkəsinin mətbuatına deyib.

O, bəzi məqamlarda rəqibin təzyiqi ilə üzləşdiklərini vurğulayıb:

"Bu səbəbdən çətin idi. Üstəlik mərkəzdə çox yüklənmə vardı.  Bir az səbirli olmalı idik. İkinci hissədə tez-tez top itirirdik. Üç xal qazanmaq istəyirdik, ancaq bacarmadıq. Buna görə təəssüflənirəm".