Terror təşkilatının lideri koalisiya qüvvələrinin Rakkaya hücumu zamanı zərərsizləşdirilib.

Türkiyə KİV-lərində İŞİD terror təşkilatının lideri Əbu Bəkr əl-Bağdadinin öldürüldüyü barədə məlumat yayılıb.

7news.Az-ın Türkiyənin Aksam nəşrinə istinadən xəbər verir ki, Bağdadinin öldürülməsi ilə bağlı məlumat terror təşkilatını saytında yerləşdirilib.

İŞİD-in “Amag” rəsmi internet saytında verilən açıqlamada “xəlifə” Bağdadinin həlak olduğu bildirilir.

Qeyd olunur ki, Əbu Bəkr əl-Bağdadi Ramazan ayının 5-ci günündə koalisiya qüvvələrinin Rakkaya hücumu zamanı öldürülüb.

7news.Az